Nossas purschidas
| Guidas | |
 |
Putnengia. Viseta dallas restonzas dil casti da Putnengia a Dieni. Vus intervegnis davart la historia dil casti e dalla Val Tujetsch. Plinavon sur dil casti e sias parts. Lu davart la sanaziun e reconstrucziun dallas restonzas dil casti ch’ein succedidas denter 2000 e 2016. Dil casti anora dat ei ina bellezia vesta tochen Bugnei, pia caschun dad intervegnir la geografia dalla val ed auter bia. |
 |
Vitg Sedrun La partenza ei spel bogn Sedrun. Da leu silla Spinatscha sul vitg. Leu seporscha ina survesta cumpleina sul vitg da Sedrun. Lu suonda ina traversala dil vitg tochen alla baselgia da s.Vigeli. Vus udis dalla historia, ton dil vitg sco dalla val, da casas e clavaus, dil dutg, dil pistregn ed auter ed alla fin, culla viseta en baselgia, la historia dalla baselgia e dil sacral ella val. Nus terminein l’excursiun culturala cun ina viseta ella stiva dils zenns dil clutger da s.Vigeli. |
 |
Guidas sin giavisch Sin giavisch fagein nus guidadas era en auters vitgs dalla val. Pusseivel ei era ina guidada da Tschamut entochen Sedrun cun viseta da tuttas baselgias e capluttas sin quei tschancun. La spassegiada meina sur Selva, Caspausa, Planatsch, Giuv, Dieni, Sedrun. |
 |
Museum La Truaisch Bugen intermediein nus visetas el museum La Truaisch cun accumpignament d’in cavacristallas ed in guid per la cultura e historia. Nus organisein referats sur dalla Val Tujetsch, en special sur da sia historia e cultura. In special tema ei era l’emigraziun ell‘America. Mira: Museum La Truaisch |
| Autras purschidas | |
 |
Vendita da cudischs da Vic Hendry Mira: Stizun |
 |
Nies program annual Quel cumpeglia pliras purschidas culturalas. Mira: Program-da-lavur |
| Annunzias e damondas davart las purschidas dil Forum cultural Tujetsch info@thendry.ch Damondas en connex cul Museum La Truaisch museum@tujetsch.ch tel. 081 949 13 43 |
|
 |
|