Cordial beinvegni sin la pagina dil Forum cultural Tujetsch 
Archiv cultural: Documentaziun_october_2023
Foto FMR Hans Huonder
La cultura tuatschina ei ina part dalla cultura dallas Alps. Semeglionta cultura entupein nus pia quasi ell’entira regiun dallas Alps europeicas. Ei dat silpli differenzas localas – cultura ch’ei sesviluppada tenor las habilitads ed ambient dalla populaziun e lur pusseivladads. En tutta cass han ins mirau sur las scheinas ora – novs colonists, nova glieud han purtau novas ideas alla val e dau vinavon cultura.
Tier la baselgia ein seformadas tradiziuns religiusas – promovidas dils plevons e caplons – savens jasters. – Aschia ha la val survegniu sia cultura. Cultura ei permanentamein en in process e svilup – tut tenor la populaziun, mintga singul, semida quella – tut tenor il viver sefuorma ella auter ni svanescha. Il destin dalla cultura dependa dil carstgaun dil liug – magari mo da singuls. Singuls promovan – singuls destrueschan.
| Vus saveis/Ti sas sustener nossas stentas per la cultura cun TWINT: |
Vus saveis sustener nus cun in pagament cun las datas dalla Banca Raiffeisen |
|
 |
 |
Foto Hans Huonder/FMR
Vendita dil cudisch
Tarcisi Hendry ed Andreas Heege
Vischala da Bugnei/Keramik aus Bugnei
La historia dalla hafnaria Sep Antoni Deragisch, bab e fegl, 1835 – 1920
Pusseivladad da cumprar per e-mail: archivtujetsch@thendry.ch
Prezi da vendita 30.00 frs (+emballadi e porto)
Bien engraziament per Vossa cumpra
Forum cultural Tujetsch
 |
 |
Presentaziun dil project „Archiv cultural Tujetsch“,
venderdis, ils 8 d’avrel 2022 allas 20.00
en sala Cristalla en Halla da sport e cultura Dulezi.
Occurrenza communabla cun la IG Tujetsch, ils 17 d’october 2020
Filmau da Janos Janka, Surrein/Tarcisi Hendry, ils 5 da matg 2018
En rama dil giubileum da 100 onns Ustria/Hotel Krüzli a Gonda/Sedrun ha il Forum cultural Tujetsch iniziau la tschentada d’ina crusch sil Pass la Crusch. Quella ha giu liug ils 12 d’october 2014. Mira! ni LQ 04-11-2014
Casti da Putnengia, fin october 2014
Settember 2017 (Foto sura e sut: Klaas Kriegeris)
Atun 2017
2018
Perscrutaziun egl Uaul Cavorgia
Pius Hendry, dretg, veva gia da buob giu viu leu ed anflau crustas da metal. Gion Giachen Monn, Tarcisi Hendry ed il Pius han quei di fatg buna raccolta ed anflau cun pintga lavur numerusas crustas. Ellas ein vegnidas sut las ragischs da quei pegn ora. Quei territori valess la pein dad intercurir pli da rudien. Ella vischinonza ein numerusas restonzas da mirs, indecis da l’existenza da baghetgs. Igl ei da supponer ch’il fier dalla Val Nalps, forsa era neu da Medel, vegneva culaus leu.
Pertuccont il cavar fier en Tujetsch mira: https://www.historia-tujetsch.ch/de/tradiziuns/il-cavar-fier
Il resultat scientific
Resultat da quei tochet:
Irom 0.3 %
Fier 37 %
Zinc 1 %
Plum 0.2 %
Resultat da quei tochet:
Irom 0.2 %
Fier 32 %
Zinc 0.3 %
Plum 0.15 %
Expertisa entras professer Beda Hofmann, Berna