Project Punt Sumsassi – Casti da Putnengia
El center schai il casti da Putnengia, gl’emprem casti spel Rein, gl’emprem ella Surselva. El casti ei projectau la tuor panoramica. Quella duei cuntener informaziuns sur dalla historia dalla val e davart la historia dil casti. Plinavon cuntegn l’alzada sisum informaziuns geograficas dalla val.
Dil casti anora va ina senda enviers vest en direcziun Selva. Ella pren la via sul giuven Rein – nova punt pendenta, Punt Sumsassi – directamein sur la buola Bullatscha vi. Vi Plaun Miez semeina ella en direcziun Uaul Tgom e contonscha la Punt dil Rein giu Mila. Da leu passa la senda si Rueras, lu Vi Rueras e da leu anavos al casti. Ella senda san ins passar da pliras direcziuns, neu dil parcadi dalla Arena da skis Andermatt Sedrun, da Dieni, neu dalla senda da Selva/Tschamut, da Rueras, da Mila anora, dil campadi Rein ed aunc autruisa. La senda duei cuntener informaziuns sur dalla val e quei seconcentrau sin diversas culturas, silla historia, sin l’agricultura, alpicultura, selvicultura es auter bia.
Aventuras cun Tina e Toni
La senda vegn accumpignada da Tina e Toni, ina mattatscha ed in mattatsch dallas muntognas e Tuatschins. Els dus raquentan dallas detgas e praulas raquintadas da nos antenats. Els san da dir dalla veta d’antruras ella val, davart schabetgs, disgrazias, sur dalla agricultura e selvicultura. Plinavon sur dil casti da Putnengia e la punt a Sumsassi, sur dall’aua e dil vitg da Rueras.
Emprem concept ed idea pil contuorn dil Casti Putnengia e Punt Sumsassi:
Concept Putnengia Sumsassi
Il secund concept cun Tina e Toni:
Secund concept
